ئێران 12 کەس بە تۆمەتی سیخوڕیکرن بۆ ئیسرائیل لە سێدارە دەدات

ئاڤا نیوز

ئێران 12 بەندکراو بە تۆمەتی سیخوڕیکرن بۆ ئیسرائیل لە سێدارە دەدات، لای خۆشیەوە ئیسرائیل چەند کەسێک بە تۆمەتی سیخوڕیکردن بۆ ئێران دەستگیر دەکات.

وێنە گەورەکە: لە چوار ڕۆژی ڕابردوودا ئیسرائیل و ئێران لەڕێگەی مووشەکی بالیستیکی و فڕۆکەی جەنگییەوە هێرش دەکەنە سەر یەکتر، بەهۆیانەوە دەیان کەس کوژران و سەدانی دیکە بریندار بوون، هەروەها هەردوو وڵات چەند کەسێکیان بە تۆمەتی سیخوڕیکردن و چالاکیی سەربازی دەستگیر کردووە.

بڵاوکراوەی فەرمی: ڕێکخراوی هەنگاو بۆ مافەکانی مرۆڤ بڵاویکردەوە، ئێران لە ماوەی سی مانگی ڕابردوودا (دوو ساڵ و نیو) لانیکەم 12 بەندکراوی بە تۆمەتی هاوکاری و سیخوڕیکردن بۆ ئیسرائیل لە سێدارە داون، لانیکەم حەوت کەسی دیکە بە تۆمەتی سیخوڕیکردن بۆ ئیسرائیل لە زیندانەکاندان.

زانیاریی زیاتر: میدیاکانی ئێران وێنەی کەسێک بەناوی ئیسماعیل فیکری بڵاودەکەنەوە کە بە تۆمەتی سیخوڕیکردن بۆ مۆساد و پێدانی زانیاریی هەستار بە ئیسرائیل لە سێدارە دراوە.

ئەمەش بزانە: دەزگای هەواڵگریی مۆساد لەڕێگەی بڵاوکردنەوەی گرتە ڤیدیۆیەک ئاماژەی بە چالاکیی بریکارەکانی دەزگاکەیدا لەنێو خاکی ئێراندا.