لە سلێمانی کەسێک بە تۆمەتی دزینی 150 ملیۆن دینار و بڕێک زێڕ دەستگیرکرا

ئاڤا نیوز

پۆلیسی سلێمانی تۆمەتبارێک دەستگیردەکات کە بڕی 150 ملیۆن دینار و بڕێک زێڕی لە ماڵێکدا دزیوە و دواتر خۆی شاردووەتەوە، دوای دەستگیرکردنی دەستبەسەر پارە و زێڕەکەدا گیرا.

چیرۆکی سەرەکی: لە چەند ڕۆژی ڕابردوو هاووڵاتییەك لە نووسینگەی ناوبازاڕی بەشی پۆلیسی نەهێشتنی تاوان سكاڵای تۆماركرد كە زیاتر لە 150 ملیۆن دینارو بڕێک زێڕی لەماڵەکەیدا لەیەکێک لە گەڕەکەکانی شاری سلێمانی لێ دزراوە، پۆلیس دەست بە لێکۆڵینەوە دەکات و بکەرەکە دەدۆزێتەوە.

بڵاوکراوەی فەرمی: پۆلیسی پارێزگای سلێمانی بڵاویکردووەتەوە، کە تۆمەتبار (س، م، أ) بەبڕیاری دادوەر و بەپێی ماددەی 446 لەیاسای سزادانی عیراقی ڕاگیراوەو لێکۆڵینەوە لەکەیسەکە بەردەوامە، هەروەها دەستگیراوە بەسەر تەواوی پارەو زێڕە دزراوەکەدا.