نەتانیاهۆ بۆ خەڵکی ئێران: تاران چۆڵ بکەن هێرش دەکەین

ئاڤا نیوز

بنیامین نەتەنیاهۆ، سەرۆکوەزیرانی ئیسرائیل پەیامێکی بۆ خەڵکی ئێران نارد و دەڵێت، تاران چۆڵ بکەن هێرش دەکەین.

وێنە گەورەکە: جەنگی نێوان ئیسرائیل و ئێران پێی نایە ڕۆژی چوارەم، تا ئێستا هەردوولا چەندین پێگە و بنکەی گرنگی ئەتۆمیی و سەربازی یەکتریان خاپوور کردووە.

لێدوانی فەرمی: بنیامین نەتەنیاهۆ، سەرۆکوەزیرانی ئیسرائیل پەیامێکی بۆ خەڵکی ئێران نارد و دەڵێت، تاران چۆڵ بکەن هێرش دەکەین. ئاسمانی تاران لە ژێر کۆنترۆڵی ئێمەدایە.

زانیاریی زیاتر: بە گوتەی نەتەنیاهۆ،  بەرەو دوو ئامانجی سەرەکی پێشڕەوی دەکەن، کە ئەمجارە ‌هێرش دەکەنە سەر سەرچاوەکانی وزەی ئەتۆم  بەمەبەستی "نەهێشتنی هەڕەشەی ئەتۆمی و نەهێشتنی هەڕەشەی مووشەکی".

لەلایەکی دیکەوە: بە پێی میدیا جیهانییەکان، لە چەند کاتژمێری داهاتوودا هێرشێکی تووند بۆ سەر تاران لەلایەن ئیسرائیلەوە دەست پێدەکات، چاوەڕێش دەکرێت هەر ئەمشەو ئێران وەڵامی هەبێت.