100 کورسی خوێندنی ماستەر و دکتۆرا لە زانکۆکانی عێراق دابین دەکرێت

ئاڤا نیوز

 

لە چواچێوەى هەماهەنگی نێوان وەزارەتى خوێندنى باڵا و توێژینەوەى زانستى عێراقی فیدراڵ و هەرێمى کوردستان، کورسى خوێندنى ماستەر و دکتۆرا لە زانکۆکانى ناوەراست و باشورى عێراق بۆ پێشکەشکارانى هەرێمى کوردستان دابین دەکرێت.

 

چیرۆکی سەرەکی: ڕۆژی 05-05-2025 بۆ گفتوگۆکردن لەسەر چەند پرسێکی هاوبەش، کۆبوونەوەیەک لەگەڵ شاندی وەزارەتی خوێندنی باڵا و توێژینەوەی زانستی حکومەتی عێراق لە هەولێر بەڕێوەچوو، وەرگرتنی قوتابیانی هەرێمی کوردستان لە زانکۆکانی عێراق و بەپێچەوانەشەوە گفتوگۆی لەسەرکرا.

 

بڵاوکراوەی فەرمی: وەزارەتى خوێندنى باڵا و توێژینەوەى زانستى هەرێمى کوردستان لە بڵاوکراوەیەکی فەمیدا ئاماژە بەوەدەدات 100 کورسى خوێندنى باڵا( ماستەر و دکتۆرا) لە ژمارەیەک لە زانکۆکانى ناوەراست و باشوورى عێراق (بەشێوەى خۆرایی) بۆ پێشکەشکارانى هەرێمى کوردستان بۆ ساڵى خوێندنى (2025-2026) دابینکراوە.

 

زانیاریی زیاتر: دەبێت پێشکەشکارانى هەرێمى کوردستان لە مەرجەکانى تاقیکردنەوەى نیشتیمانى (توانستى زمانى ئینگلیزی، توانستى زمانى عەرەبی، توانستى کۆمپیتەر) دەبەخشرێن، تەنها بەشدارى لە (تاقیکردنەوەى توانستى زانستى) دەکەن، لە کاتى دەرچوون لە تاقیکردنەوەکە پێشکەشکاران بە تەنیا لە نێوان خۆیان پێشبرکێ دەکەن لەسەر کورسیە تەرخانکراوەکانیان.

 

ئەمەش بزانە: دەرگای پێشکەشکردن بۆ دانەمەزراوان و فەرمانبەرى دامەزراو بەشێوەى هەمیشەیی لەسەر میلاکى دامودەزگاکانى حکومەتى هەرێمى کوردستان کراوەیە تاوەکو 26-06-2025.