سامانە سرووشتییەکان: عێراق ئامادە نییە تێچووی کۆمپانیاکانی نەوتی کوردستان بدات

ئاڤا نیوز

وەزیری سامانە سرووشتییەکانی حکومەتی هەرێمی کوردستان بەجیا لەگەڵ کونسوڵی گشتیی هەنگاریا و کونسوڵی گشتیی ئەرمینیا لە هەولێر کۆبووەوە، گفتوگۆیان لەبارەی بەربەستەکانی بەردەم هەناردەکردنەوەی نەوتی هەرێمی کوردستان کرد.

ڕاگەیێنراوی فەرمی: وەزارەتی سامانە سرووشتییەکانی حکومەتی هەرێمی کوردستان، ڕایگەیاندووە، حکومەتی عێراق بەپێچەوانەی دەستوور و یاسا و تەنانەت بڕیاری دادگاکانی عێراق، ئاستەنگی لەبەردەم هەناردەکردنی نەوتی هەرێمی کوردستان دروست کردووە.

بەپێی ڕاگەیێنراوەکەی وەزارەتی سامانە سرووشتییەکان، کەمال محەممەد، وەزیری سامانە سرووشتییەکان لە دوو دیداری جیا لەگەڵ هەر یەک لە ئاتیلا تۆس، کونسوڵی گشتیی هەنگاریا و ڕافائێل مۆڤسێسیان، کۆنسولی گشتیی ئەرمینیا لە هەولێر، باسی لە ئاستەنگ و بەربەستەکانی بەردەم هەناردەکردنەوەی نەوتی هەرێمی کوردستانی کرد.

وەزیری سامانە سروشتییەکان دەڵێت، ئەمە لە کاتێکدایە هیچ کێشەیەک لە گرێبەستەکانی نەوتی هەرێمی کوردستان لەگەڵ کۆمپانیاکان نییە و ئامادە نییە ماف و گەرەنتی و تێچووی بەرهەمهێنانی نەوتی کۆمپانیاکان بدات، لەلایەن خۆیانەوە هەردوو کونسوڵ پشتگیری خۆیان و حکومەتەکەیان بۆ چارەسەرکردنی کێشەکانی نێوان هەرێمی کوردستان و حکومەتی ناوەندی نیشاندا.