نەتانیاهۆ ئاشکرای دەکات: مووشەکی ئێران بەر ژووری نووستنەکەم کەوتووە

ئاڤا نیوز

 

سەرۆکوەزیرانی ئیسرائیل ڕاستییەک ئاشکرا دەکات کە ئێران خاوەنی مووشەکی پێشکەوتوو و زیرەکە کە دەتوانیت بە وردی ئامانجەکانیان بپێکن، باسی لەوەشکردوو کە مووشەکێک ئاڕاستەی شوێنی نووستنەکەی کراوە. 

 

وێنە گەورەکە: جەنگی نێوان ئیسرائیل و ئێران پێیناوەتە ڕۆژی چوارەمییەوە و هەردوولا بە سەختی یەکتری بۆردومان دەکەن، ئیسرائیل هەڕەشە لە ئێران دەکاتە و تارانیش هەڕەشەی تۆڵەکردنەوەی تووندی کردووە و دەڵیت کە ئاگر لە ئیسرائیل بەردەدەن.

 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل لە نوێترین چاوپێکەوتنی لەگەڵ کەناڵی فۆکس نیوزی ئەمریکی، باسی لەوەکردووە لە ئێران پلانی بۆ کوشتنی ئەو داناوە و مووشەکی ئاڕاستەی ژووری نووستنەکەی کردووە. 

 

لەبەشێکی دیکەی قسەکانیشیدا نەتانیاهۆ باسی لەوەکردووە: ئێران تەنیا هەوڵی کوشتنی منی نەداوە، بەڵکو هەوڵی کوشتنی ترەمپیشیان داوە و بە دووژمنی ژمارە یەکیان داناوە، ئێران ترەمپ بە هەڕەشە دەبینێت بۆ سەر ئایندەی بەرنامە ئەتۆمییەکەی

 

زانیاریی زیاتر: ڕۆژی ڕابردوو لە بەشێک لە میدیاکان وابڵاوکرایەوە کە مووشەکێک ئاڕاستەی شوێنی مانەوەی سەرۆکوەزیرانی ئیسرائیل کراوە لە ناوچەی قەیسەرییە لە تەلئەبیب کە دەکەوێتە داروزیافەیە و شوێنی سەرۆکوەزیرانە.