دوو درۆن لە ناحییەی شەمامک دەکەونە خوارەوە

ئاڤا نیوز

 

لە سنووری ناحییەی شەمامک دوو درۆن کەوتنە خوارەوە، بەڕێوەبەری ناحییەکەش دەڵێت: ئاسایش لێکۆڵینەوە لەبارەی ڕووداوەکە دەکات و ناوچەکەی کۆنترۆڵکردووە. 

 

چیرۆکی سەرەکی: ماوەی پێنج ڕۆژە جەنگی نێوان ئیسرائیل و ئێران بەردەوامە، تاوەکو ئێستا هەردوولا بە تووندی هێرش دەکەن سەر یەکتری و بەهۆی ئەوەوە پاشماوەی مووشەکی و درۆنی کەوتووە چەند ناوچەیەکی جیاوازی هەرێمی کوردستان و عێراق. 

 

لێدوانی فەرمی: کاروان عارف، بەڕێوەبەری ناحییەی شەمامک بە ئاڤا میدیای ڕاگەیاند: دوو درۆن لە سنوورەکەمان کەوتوونەتە خوارەوە، موشەکێک لەنێوان گوندەکانی ماستاوە و سۆربەش کەوتووەتە خوارەوە.

 

-درۆنی دووەمیش لە گردی پیر داود لە نزیک کارگەی خشت کەوتووەتە خوارەوە.

 

زانیاریی زیاتر: بەڕێوەبەری ناحییەی شەمامک باسی لەوەشکرد کە درۆنەکان هیچ زەرەر و زیانێکیان بە ناوچەکە نەگەیاندووە و ئێستا تیمەکانی ئاسایش لێکۆڵینەوە دەکەن.