عێراق زیاتر لە 22 ملیار دۆلاری بۆ سیستمی بەرگری خەرج کردووە

ئاڤا نیوز

ئەندامێکی لیژنەی ئاسایش و بەرگری لە پەرلەمانی عێراق ئاشکرای دەکات، حکومەت زیاتر لە 22 ملیار دۆلاری بۆ سیستمی بەرگری تەرخانکراوە کەچی تا ئێستا ئاسمانەکەی لەژێر کۆنتۆڵی خۆیدا نییە و ناتوانێت بەرگریی لەخۆی بکات.

وێنە گەورەکە: حکومەتی عێراق ساڵانە دەیان ملیار دینار بۆ وەزارەتی بەرگری و کڕینی چەک و بەهێزکردنی سیستمی بەرگری تەرخان دەکات، بەڵام تاوەکو ئێستا وڵاتانی دراوسێ ئاسمانەکەی بەکاردێنن و ناتوانێت بە تەواوەتی کۆنترۆڵی ئاسمان و سەروەریی خۆی بکات.

لێدوانی فەرمی: محەمەد ڕومەیسی، ئەندامی لیژنەی ئاسایش و بەرگری عێراق دەڵێت، لە ساڵی 2014وە تا ئێستا 22 ملیار دۆلار تەرخان کراوە بۆ سیستمی بەرگریی ئاسمانی عێراق.

- لەو هەموو پارەیە تەنیا 11 تریلیۆن دیناری دراوە بە سیستمەکە ئەوی دیکە هەمووی دزراوە، دەشڵێت، داوای پارەی زیاتر دەکەن.

- ئەم هەموو پارەیە خەرج کراوە کەچی ناتوانی مەترێک ئاسمانی عێراق بپارێزێت.

لەلایەکی دیکەوە: ئەبو ئالا وەلائی، فەرماندەی گرووپێکی چەکدار وتوویەتی، هەموو سیستمەکانی بەرگری عێراق ئیش ناکەن و ئەمریکا هەمووی کوژاندوونەتەوە.

 

بەرپرسێکی عێراقی: سیستمی بەرگری ئاسمانی عێراق توانایی هیچی نییە 
ئەبو ئالا وەلائی: هەموو سیستمەکانی بەرگری عێراق ئیش ناکەن