بەرپرسی نوێی ئیتلاعاتی سوپای پاسداران ئێران دەستنیشان کرا

ئاڤا نیوز

 

میدیاکانی ئێران بڵاویانکردەوە، دوێنێ پێنجشەممە، بەرپرسی نوێی ئیتلاعاتی سوپای پاسدارانی دەستنیشان کراوە. 

 

وێنە گەورەکە: ڕۆژی پێنجشەممە 19-6-2025، ئێران، بەرپرسی نوێی سوپای پاسدارانی دەستنیشان کرد، ئەمەش دوای ئەوەی لە هەفتەی ڕابردوودا بەرپرسی پێشووی ئیتلاعاتی سوپای پاسداران لە هێرشێکی ئیسرائیل کوژرا.

 

پێدراوە ڕاستەکان: محەممەد پاکپوور، فەرماندەی سوپای پاسداران، عەمید مەجید خادمی، وەک بەرپرسی نوێی ئیتلاعاتی سوپای پاسداران دەستنیشان کردووە و شوێنی محەممەد کازمی دەگرێتەوە کە لەگەڵ دوو ئەفسەری دیکە بە ناوەکانی حەسەن موحەقق و موحسین باقری لە هێرشێکی ئیسرائیلدا ڕۆژی یەکشەممە کوژران.

 

ئەمەش بزانە: محەممەد پاکپوور، وەک فەرماندەی سوپای پاسداران دەستنیشانکرا، دوای ئەوەی حوسێن سەلامی پێش خۆی لە هێرشێکی ئیسرائیلدا لە 13ـی حوزەیران کوژرا.

 

قووڵتر: هەینی ڕابردوو 13-6-2025، ئیسرائیل هێرشێکی لەناکاوی کردە سەر ئێران و دەیان بەرپرس و فەرماندەی ئەو وڵاتەی کوشت، وەک ئیسرائیل ڕایگەیاند. ئامانجی هێرشەکانی ڕێگریکردنە لە بەدەستهێنانی چەکی ئەتۆمی لەلایەن ئێرانەوە.