ئێران: هێرشمان کردە سەر پایتەختی ئەلیکترۆنیی ئیسرائیل

ئاڤا نیوز

 

میدیای ئێران ڕایگەیاندووە، کە بەرەبەیانی ئەمڕۆ سوپا بە مووشەک هێرشی کردووەتە سەر دامەزراوەی تەکنەلۆژیایی ئیسرائیل و زیانێکی زۆری بەرکەوتووە.

 

چی ڕوودەدات: میدیاکانی ئێران بڵاویانکردەوە، ڕۆژی هەینی 20-6-2025، سەنتەری تەکنەلۆژی ئیسرائیلی لە بێرشیبا بە مووشەک کرایە ئامانج کە شوێنێکی سەربازی و سەنتەری هێرشی ئەلیکترۆنی بوو، بەهۆیەوە زیانێکی زۆری بەرکەوتووە و باڵەخانەکەی وێران بووە هاوکات دەڵێن، پێگەیەکی گرنگی ئەو وڵاتە بووە.

 

ڕاگەیێنراوی فەرمی: سوپای پاسداران ڕایگەیاند: لە هێرشە مووشەکییەکانی ئەمڕۆدا، سەنتەری تەکنەلۆژی و دامەزراوەی سەربازی و سایبەریمان کردە ئامانج 

 

زانیاریی زیاتر: لەو هێرشەدا  بارەگای کۆمپانیای مایکرۆسۆفتیش زیانێکی زۆری بەرکەوتووە، ئێران چەندین جار تۆمەتباری کردووە بەوەی هاوکاری سوپای ئیسرائیلی کردووە.

 

ئەوەی پێویستە بیزانیت: کۆمەڵگەکە ناوی گاڤ یام بووە کە خزمەتگوزاریی ئاسایشیی ئەلیکترۆنی پێشکەش بە سوپای ئیسرائیل کردووە، هاوکات یەکێکە لە دیارترین پڕۆژە ستراتیژییەکانی تەکنەلۆژیا، کە چەندین کۆمپانیای جیهانی و ناوەندی توێژینەوەی تەکنەلۆجیای پێشکەوتوو و زیرەکی دەستکرد و شیکاری داتاکان لە خۆدەگرێت.