کۆبوونەوەی وەزیرانی دەرەوەی فەرەنسا، بەریتانیا و ئەڵمانیا و ئێران بەڕێوەدەچێت

ئاڤا نیوز

 

بۆ گفتوگۆکردن لەسەر بەرنامە ئەتۆمییەکەی ئێران، بڕیارە وەزیرانی دەرەوەی فەرەنسا، ئەڵمانیا و بەریتانیا ولەگەڵ ئێران کۆببنەوە.

 

چی ڕوودەدات: ڕۆژی هەینی 20-6-2025، بۆ گفتوگۆکردن لەسەر بەرنامە ئەتۆمییەکەی ئێران، بڕیارە وەزیرانی دەرەوەی فەرەنسا، ئەڵمانیا و بەریتانیا و بەرپرسی باڵای دیپلۆماسیی یەکێتیی ئەورووپا لە جنێڤی پایتەختی سویسڕا لەگەڵ ئێران کۆببنەوە.

 

لێدوانی فەرمی: دوێنێ دەیڤد لامی، وەزیری دەرەوەی بەریتانیا ڕۆژی پێنجشەممە ڕایگەیاند: شانبەشانی هاوتا فەرەنسی، ئەڵمانی و هاوتا ئەورووپییەکانم لە جنێڤ بەڕێدەکەوم بۆ کۆبوونەوە لەگەڵ وەزیری دەرەوەی ئێران، ئێستا کاتی ئەوەیە کۆتایی بە دیمەنە مەترسیدارەکانی رۆژهەڵاتی ناوەڕاست بهێنرێت و رێگری لە پەرەسەندنێکی هەرێمی بکرێت کە سوودی بۆ هیچ کەسێک نابێت." 

 

زانیاریی بەدەستهاتوو: بەپێی هەواڵی ئاژانسی رۆیتەرز، كۆبونەوەكە بە "رەزامەندیی" ئەمریكا ئەنجام دەدرێت.

 

ئەوەی پێویستە بیزانیت: فەرەنسا، ئەڵمانیا، بەریتانیا و یەکێتیی ئەورووپا هەموویان واژۆکاری رێککەوتنەکەی 2015 بوون، کە ترەمپ لە یەکەم خولی سەرۆکایەتییەکەیدا لێی چووە دەرەوە.