سوننەکان نەخشەڕێگای حکومەتی نوێ دادەڕێژن

ئاڤا نیوز

ئەنجوومەنی سیاسیی نیشتمانی کە نوێنەرایەتیی زۆرینەی هێزە سوننییەکان دەکات، داوای پەلەکردن لە پەسەندکردنی ئەنجامی هەڵبژاردنەکان دەکات و دەیەوێت بەخێرایی خولی شەشەمی پەرلەمان دەستپێبکات.

چیرۆکی سەرەکی: ئێوارەی پێنجشەممە، سەرکردە و سەرۆکی  پارت و هاوپەیمانێتییە سوننییەکان لە بارەگای محەممەد حەلبووسی، سەرۆکی پارتى تەقەدووم لە بەغدا کۆبوونەوە. تەوەرەی سەرەکی کۆبوونەوەکە تاوتوێکردنی قۆناغی دوای هەڵبژاردن بوو، تێیدا بڕیاریانداوە نەخشەڕێگای تایبەت بەخۆیان ئامادە بکەن کە تێیدا شێوازی بەڕێوەبردنی دەوڵەت بۆ قۆناغی داهاتوو دیاری دەکات.

ڕاگەیێنراوی فەرمی: بەگوێرەی ڕاگەیێنراوی کۆبوونەوەکە، سەرکردەکانی ناو ئەنجوومەنەکە ڕێککەوتوون لەسەر دەستپێکردنی گفتووگۆ لەگەڵ فراکسیۆنە سیاسییەکانی دیکە بۆ ڕێککەوتن لەسەر پۆست و  شایستە دەستوورییەکان و پێکهێنانی حکومەتێک کە لە توانایدا بێت وەڵامدەرەوەی خواستی شەقام بێت.

هەروەها لە بەشێکی دیکەی ڕاگەیێنراوەکە، سەرکردە سوننییەکان سوپاسی "چوارچێوەی هەماهەنگی"ـیان کرد بۆ پیرۆزبایی لێکردنیان بەبۆنەی دامەزراندنی ئەنجوومەنەکە