چل و هەشت کاتژمێر پێش هێرشەکەی ئیسرائیل چی ڕوویدا؟

ئاڤا نیوز

ئاژانسی بلوومبێرگ دەڵێت، 48 کاتژمێر پێش هێرشەکانی ئیسرائیل بۆ سەر ئێران، وەزیری دەرەوەی سعوودیە لە هۆتێلێک لە ئۆسلۆی پایتەختی نەوریج چاوی بە هاوتا ئێرانییەکەی کەوتووە و داوای لێکردووە تاران بە خێرایی ڕێککەوتنێکی ئەتۆمی لەگەڵ ئەمریکا واژۆ بکات، چونکە ئاگادارن کە ئیسرائیل دەیەوێت هێرشیان بکاتە سەر.

بڵاوکراوەی فەرمی: ئاژانسی بلوومبێرگ لە ڕاپۆرتێکیدا بڵاوی کردووەتەوە کە 48 کاتژمێر پێش هێرشەکانی ئیسرائیل بۆ سەر ئێران، عەباس عێراقچی، وەزیری دەرەوەی ئێران، لە هۆتێلێک لە ئۆسلۆی پایتەختی نەوریج چاوی بە فەیسەڵ بن فەرحان، وەزیری دەرەوەی سعوودیە کەوتووە.

لەو کۆبوونەوەیەدا، سعوودییەکان داوایان لە ئێران کردووە بە خێرایی ڕێککەوتنێکی ئەتۆمی لەگەڵ ئەمریکا واژۆ بکەن، چونکە ئاگادارن کە ئیسرائیل دەیەوێت هێرشیان بکاتە سەر.

لەلایەکی دیکەوە: دوو مانگ پێشتریش خالید بن سەلمان، وەزیری بەرگریی سعوودیە، سەردانی تارانی کردووە و ئەویش لەوێ هەمان شتی بە ئێرانییەکان گوتووە کە ئیسرائیل بە نیازی هێرشکردنە سەر ئێرانە و داوایشی کردووە ئێران بە خێرایی لەگەڵ ئەمریکا ڕێک بکەوێت.

ئێرانییەکان لەگەڵ ئەمریکا ڕێک نەکەوتن و لە دانوستان بەردەوام بوون، بەڵام ئیسرائیل هێرشی کردە سەر ئێران و ئەمەش بووە هۆی ئەوەی دانوستانەکان بوەستن.

ئەوەی لەوبارەیەوە دەگوترێت: سعوودیە و وڵاتانی کەنداو ترسی ئەوەیان هەیە شەڕی ئێران و ئیسرائیل کاریگەریی نەرێنی لەسەر ئابووریی ئەوان هەبێت، بۆیە هەوڵ دەدەن دۆخەکە هێور بکەنەوە، هاوکات لەگەڵ ئەمەشدا خۆیان بۆ سیناریۆی دیکە ئامادە دەکەن.