نەتەنیاهۆ: ئێران 28 هەزار مووشەکی هەیە

ئاڤا نیوز

سەرۆکوەزیرانی ئیسرائیل ڕایگەیاند، ئێران خاوەنی 28 هەزار مووشەکە، ئەمەش وا دەکات جەنگەکە درێژە بکێشێت. دەشڵێت، ئێران دەیەوێت بۆمبی ئەتۆمی پەرەپێبدات، "توانای لە ناوبردنی ئەتۆمی ئێرانمان هەیە".

چیرۆکی سەرەکی: بەرەبەیانی ڕۆژی هەینی 13-6-2025، جەنگی نێوان ئیسرائیل  و ئێران هەڵگیرسا و تا ئێستا بە چڕی و بە فراوانی دامەزارە و سەربازی و پێگە ستراتیژییەکانیان بۆردوومان دەکەن، ئیسرائیل ئامانجی ئەوەیە تەواوی بنکە ئەتۆمییەکان و مووشەکەکانی ئێران لەناو ببات. 

لێدوانی فەرمی: بنیامین نەتەنیاهۆ، سەرۆکوەزیرانی ئیسرائیل ڕایگەیاند، "هێشتا ڕۆژانی سەخت چاوەڕێمان دەکات و جەنگەکە بە سەرکەوتنی ئێمە کۆتایی دێت".

- ئێران خاوەنی 28 هەزار مووشەکە و دەیەوێت بۆمبی ئەتۆمی پەرەپێبدات.

- "ئامانجمان لەناوبردنی بەرنامەی ئەتۆمی ئێرانە و هێزی پێویستمان بۆ ئەمە هەیە".

- "ئەگەر هێرشمان بۆ سەر ئێران دواخستبووایە، ئێران چەكی ئەتۆمی بەدەستدەهێنا".

- "کاتێکی سەخت چاوەڕێمان دەکات، جەنگەکە بە سەرکەوتنی ئێمە کۆتایی دێت".

- "ئەو زیانەی ئێستا دەیدەین كەمترە لەوەی ئێران چەكی ئەتۆمی بەدەستهێنابووایە".

- "ئەوان هاووڵاتیانی مەدەنی دەکەنە ئامانج و ئێمەش لەوە خۆمان بەدوور دەگرین".

- "ئێمە تەنها دامەزراوە ئەتۆمی و سەربازییەکانیان دەکەینە ئامانج".

لەلایەکی دیکەوە: نەتەنیاهۆ لەبارەی ترەمپ وتی: ترەمپ سەرکردەیەکی گەورەیە و سوپاسی هاوکارییەکانی دەکەین.