ئەمریکا هەواڵی چۆڵکردنی باڵیۆزخانەکەی لە بەغدا ڕەتدەکاتەوە

ئاڤا نیوز

دوای بڵاوبوونەوەی هەواڵی چۆڵکردنی باڵیۆزخانەی ئەمریکا لە بەغدا، باڵیۆزخانەکە لە ڕاگەیێنراوێکدا تەواوی ئەو دەنگۆیانەی ڕەتکردەوە.

وێنە گەورەکە: جەنگی نێوان ئیسرائیل و ئێران بەردەوامە، ئەمریکا لە هەوڵی ئەوە دایە جەنگەکە کۆتایی پێبێت و ئێران بوەستێت لە پیتاندنی یۆرانیۆم و بگەڕێتەوە سەر مێزی گفتوگۆ بۆ دانوستان.

ڕاگەیێنراوی فەرمی: باڵیۆزخانەی ئەمریکا لە بەغدا لە ڕاگەیێنراوێکدا ڕەتیکردەوە هیچ گۆڕانکارییەک لە باڵیۆزخانەکە یان کۆنسوڵخانەی ئەو وڵاتە لە هەولێر ڕووی دابێت.

ئەوەی پێویستە بیزانیت: چەند ڕۆژێک پێش هێرشەکەی ئیسرائیل بۆ سەر ئێران لە 13ـی ئەم مانگە، ئەمریکا بڕیاریدا ژمارەی کارمەندە دیپلۆماسییەکانی لە عێراق و ناوچەکە کەمبکاتەوە و لە ئێستادا بەهۆی پاڵپشتیکردنی لە ئیسرائیل دژی ئێران، مەترسیی هەیە گرووپە چەکدارەکانی عێراق کە نزیکن لە ئێران پێگە سەربازی و دیپلۆماسی و بەرژەوەندییەکانی ئەمریکا لە عێراق بکەنە ئامانج.