جەی دی ڤانس: بڕیاری ترەمپ لە بەرژەوەندیی ئەمریکا دەبێت

ئاڤا نیوز

 

جێگری سەرۆکی ئەمریکا ڕایگەیاند: سەبارەت شەری ئێران و ئیسرائیل، دۆناڵد ترەمپ بەم زووانە بڕیاری یەکلاکەرەوە لە بەرژەوەندی ئەمریکا دەدات.

 

وێنە گەورەکە: هەموو جیهان چاوەڕوانی بڕیاری دۆناڵد ترەمپ سەرۆکی ئەمریکایە، سەبارەت بە شەڕی ئیسرائیل و ئێران، ترەمپ لەلایەکەوە دەڵێت لە ماوەی دوو هەفتەدا بڕیاری یەکلاکەرەوە دەدات.

 

لێدوانی فەرمی:  جەی دی ڤانس، جێگری سەرۆکی ئەمریکا لە چاوپێکەوتنێکدا لەگەڵ کەناڵی فۆکس نیوز ڕایگەیاند: ''ئەو کاتە دۆناڵد ترەمپ، سەرۆکی ئەمریکا بڕیار دەدات کاتێک دەزانێت دیپلۆماسیی ڕێڕەوی خۆی گرتووە، یانیش ئەو کاتەی بزانێت هیچ سوودێک لە دانوستانەکان لەگەڵ لایەنی ئێرانی نییە''.

 

لەلایەکی دیکەوە: ئەم لێدوانە لە کاتێکدایە کە دوێنێ، سەرۆکی ئەمریکا ڕایگەیاند، قسە لەسەر ئەوە ناکەم هێز بنێرین بۆ ئێران، کاتمان بە ئێران داوە و زۆرترین ماوەش دوو هەفتەیە، هاوکات گوتیش زۆر سەختە داوا لە ئیسرائیل بکەم هێرشەکانیان ڕابگرن.