پاکستان ترەمپ بۆ نۆبڵی ئاشتیی کاندید دەکات

ئاڤا نیوز

 

وڵاتی پاکستان دۆناڵد ترەمپ،  سەرۆکی ئەمریکای بۆ خەڵاتی نۆبڵی ئاشتیی  ساڵی 2026 کاندید کرد، ئەمەش وەک ڕێزلێنانێک بۆ ڕۆڵی ناوبراو لە کەمکردنەوەی گرژییەکانی نێوان ئیسلام ئاباد و نیودەلهی.

 

وێنە گەورەکە: ڕۆژی هەینی 20-6-2025، دوای ئەوەی دۆناڵد ترەمپ، سەرۆکی ئەمریکا ڕایگەیاند، نازانم بۆچی خەڵاتی نۆبڵی ئاشتییم پێنابەخشرێت لە کاتێکدا چەند شەڕێکم ڕاگرتووە، پاکستان بڕیاری دا ترەمپ کاندید بکات بۆ خەڵاتی نۆبڵی ئاشتیی ساڵی 2026.

 

ڕاگەیێنراوی فەرمی: نووسینگەی سەرۆکوەزیرانی پاکستان بەیاننامەیەکدا ڕایگەیاند، ڕۆڵی نێوەندگیریی ترەمپ لە شەری نێوان پاکستان و هیندستان  ڕێگری لە ململانێیەکی بەرفراوانی دوو دەوڵەتی خاوەن چەکی ئەتۆمیدا کردووە، ئەگەر بەردەوام با کاریگەریی لەسەر ملیۆنان کەس دەبوو.

 

- هەوڵەکانی سەرۆکی ئەمریکا بۆ چارەسەری ئاشتییانە و دانوستان بەرز دەنرخێنین و هەر هەوڵەکانی وایانکرد خۆی وەک باڵیۆزێکی ڕاستەقینە بۆ ئاشتی بناسێنێت.

 

لەلایەکی دیکەوە: بەرپرسانی هیندستان ڕەتیانکردەوە ترەمپ هیچ ڕۆڵێک  هەبێت لە ئاگربەست لەگەڵ پاکستاندا.

باکگراوند: باراک ئۆباما، سەرۆکی پێشووتری ئەمریکا دوای ماوەیەکی کەم لە دەستبەکاربوونی لە ساڵی 2009 خەڵاتی نۆبڵی ئاشتیی پێبەخشرا.