ئێران کەسێکی بەتۆمەتی سیخوڕی بۆ ئیسرائیل لەسێدارەدا

ئاڤا نیوز 

 

دەسەڵاتی دادوەریی ئێران ئەمڕۆ رایگەیاند "تاوانبار"ـێکیان بە تۆمەتی سیخوڕیکردن بۆ ئیسرائیل لەسێدارەدا.

 

راگەیەندراوی فەرمی: ماڵپەری میزان کە سەر بە دەسەڵاتی دادوەریی ئێرانە، دەڵێ "مەجید موسەیبی، بەیانیی ئەمڕۆ (یەکشەممە) لەسێدارەدرا، ئەمەش دوای تەواوبوونی سەرجەم رێوشوێنە یاساییەکان و رەزامەندیی دادگەی باڵا لەسەر فەرمانی لەسێدارەدانی."

 

وێنە گەورەکە: لەدوای دەستپێکردنی جەنگی ئیسرائیل و ئێران لە 13ـی ئەم مانگەوە، ئێران چەندین کەسی بە تۆمەتی سیخوڕیکردن بۆ ئیسرائیل دەستبەسەر کردووە.

 

باکگراوند: لەسێدارەدانی ئەو کەسە، لەکاتێکدایە بەرەبەیانیی ئەمڕۆ و لە دەیەمین رۆژی جەنگەکەدا، بۆ یەکەمجار لەسەر فەرمانی دۆناڵد ترەمپ، سەرۆکی ئەمریکا، سوپای ئاسمانیی ئەو وڵاتەش بەشداریی جەنگەکەی کرد و سێ بنکەی ئەتۆمیی لە ئێران کردە ئامانج.