ئێران: هیچ تیشکدانەوەیەکی ئەتۆمی دوای هێرشەکەی ئەمەریکا ڕووینەداوە

ئاڤا نیوز


بەرپرسانی ئێران ڕایگەیاند، هیچ مەترسییەکی تیشکدانەوە لە پێگە  ئەتۆمییەکان بۆ سەر دانیشتوانی ناوچەکە نییە، کە بەرەبەیانی ئەمڕۆ  لەلایەن فڕۆکە ئاسمانییەکانی ئەمەریکاوە بۆمباران کران.

 

وێنە گەورەکە: بەرەبەیانی ئەمڕۆ یەکشەممە 22-6-2025، ئەمریکا هێرشێکی بەرفراونی کردە سەر سێ پێگەی سەرەکی ئێران ' نەتەنز، ئەسفەهان و فۆردۆ'، مەترسی ئەوە هەبوو دوای ئەم هێرشە تیشکدانەوەی ئەتۆمی زیان بە خەڵک و ناوچەکە بگەیێنێت.

 

بڵاوکراوەی فەرمی: دەستەی گشتی وزەی ئەتۆمیی ئێران ڕایگەیاند:


- دەستبەجێ دەستییان بە پشکنینی پێویست کردووە لە ئەگەری پیسبوونی ژینگە بە تیشکدانەوەی ئەتۆمی لە دەورووبەری ئەو ناوچەیەی بۆردوومان کراوە و مەترسیی تیشکدانەوە بۆ سەر دانیشتوانی ناوچەکە، بەڵام هیچ مەترسییەک لەسەر خەڵکەکە نییە.

- ئەو هێرشەی کراوەتە سەر پێگە ئەتۆمییەکانی فۆردۆ و نەتەنز و ئەسفەهان، دژ بە یاسا نێودەوڵەتییەکان و بەڵێننامەی نێودەوڵەتیی ڕێگریی لە بڵاوبوونەوەی ئەتۆمییە.