ئەمریکا هۆشدارییەکی تووند دەداتە ئێران

ئاڤا نیوز

 

وەزیری بەرگری و سەرۆک ئەرکانی هێزی هاوبەشی ئاسمانی ئەمریکا هۆشداریی دەدەنە ئێران لە ئەگەری هەر کاردانەوەیەک کە زیان بە بەرژەوەندییەکانی ئێران بگەیەنێت. 

چیرۆکی سەرەکی: بەرەبەیانی ئەمڕۆ یەکشەممە، ئەمریکا بە هێرشکردنە سەر پێگەی سەرەکی ئەتۆمی ئێران بەشداری جەنگی نێوان ئیسرائیل و ئێرانی کرد و جەنگەکەی بردە نێو قۆناغێکی نوێ و ئەم بەشداریکردنە کاردانەوەی نێودەوڵەتیی بەدوای خۆیدا هێنا.

لێدوانی فەرمی: پیت هێگسەس،  وەزیری بەرگریی ئەمریکا لە کۆنگرەیەکی ڕۆژنامەوانیدا لە واشنتن ڕایگەیاند: ئەوەی لە ئێران ئەنجاممان دا ساتێکی مێژوویی بوو، ئۆپراسیۆنە تایبەتەکەمان لە ئێران بە ئاگاداریی هاوبەشی سەرەکیمان ئیسرائیل بووە. 

سەبارەت بە هێرش بۆ سەر بنکە ئەتۆمییەکانی ئێران وەزیری بەرگری ڕایگەیاند:  بنکە ئەتۆمییەکانی ئێران مەترسیبوون بۆ سەر تەواوی وڵاتانی جیهان، ئەمریکا هەر لەو سۆنگەیەوە هەر شتێک هەڕەشە بێت بۆ سەر بەرژەوەندییەکانی دەیکاتە ئامانج.

٠ ئێران دەبێت خۆی لە پەرچەکردار بەدوور بگرێت، چونکە وەڵامدانەوەی ئەمجارەی ئەمریکا زۆر بەهێزتر دەبێت لە بوونی هەر هەڕەشە و مەترسییەک. 

٠ ئەمریکا بە ئەنجامدانی ئەو هێرشەی ئامانجی گۆڕینی ڕژێمی ئێران نییە، بەڵکو تەنها یەک ئامانجی هەبووە ئەوەیش لەناوبردنی هەڕەشە ئەتۆمییەکانی ئێران بوو. 


لەلایەکی دیکەوە:  جۆهەن دانیال کەین, سەرۆک ئەرکانی هێزی هاوبەشی ئاسمانی ئەمریکا هەر لەو کۆنگرە ڕۆژنامەوانییە دا ڕایگەیاند: ئەمریکا بە 100 فڕۆکەی جەنگی هێرشی بۆ سەر بنکە ئەتۆمییەکانی ئێران ئەنجامداوە. لە هێرشەکانمان بۆ سەر ئێران تەواوی بنکە ئەتۆمییەکانی ئەو وڵاتە لەنێوبراون. 

٠ هیچ لایەنێک لە هێرشکردنە سەر ئێران ئاگادار نەبووە، لە ئەگەری هەر کاردانەوەیەک وەڵامی زۆر خێرا و تووندمان دەبێت.