جۆرە ماسییەکی دەریای نێوەڕاست هەڕەشە لە ماسییەکانی دەریای ئادریاتیک دەکات

ئاڤا نیوز

 

چاودێرانی ژینگەیی سەرنجیان داوە بەم دواییانە بەهۆی گۆڕانی کەشوهەوا و گەرمبوونی زەوییەوە، جۆرە ماسییەک لە دەریای نێوەڕاستەوە بۆ دەریای ئادریاتیک کۆچی کردووە و لەوێ بووەتە هەڕەشە لەسەر ماسییەکانی ئەوێ.

 

وێنە گەورەکە: ماسییەکە بە تووتییە ماسیی دەریای نێوەڕاست ناسراوە؛ لەبەر بەرزبوونەوەی پلەی گەرمای ئاوی دەریای نێوەڕاستەوە، ڕوویکردووەتە دەریای ئادریاتیک، چاوەڕوانیش دەکرێت زیان بە ماسی و زیندەوەرە دەریاییەکانی ئەوێ بگەیێنێت.

 

زانیاریی زیاتر: جگە لەو ماسییە، نزیکەی 50 جۆری دیکەی ماسی شوێنی خۆیان جێهێشتووە و ڕوویانکردووەتە دەریای ئادریاتیک؛ لە دەریای سووریشەوە چەند جۆرێکی ماسی وەک شێرە ماسی و بەردەماسی لەڕێگەی نۆکەندی سوێسەوە، ڕوویان لە دەریای ئادریاتیک کردووە.

 

لەلایەکی دیکەوە: چوونی ئەم ماسییە زیانی زۆری بە ماسیگرەکان گەیاندووە، چونکە بووەتە هۆی لەنێوبردنی ماسییەکانی دیکە و دانیشتووانی ئەو کەناراوانەش حەزیان لە خواردنی ئەو جۆرە ماسییە نییە، چونکە نوێ و نامۆیە.