سەرۆکی هەرێمی کوردستان: پێشوازی لە ئاگربەستی ئێران و ئیسرائیل دەکەین

ئاڤا نیوز

سەرۆکی هەرێمی کوردستان ڕایگەیاند، "پێشوازی لە ئاگربەستی ئێران و ئیسرائیل دەکەم و تاکە ڕێگەی سەقامگیری بۆ ناوچەکە گفتوگۆ و لێکتێگەیشتنە"

پەیامی فەرمی: نێچیرڤان بارزانی، سەرۆکی هەرێمی کوردستان لە تۆڕی کۆمەڵایەتی ئێكس ڕایگەیاند، "باوەڕی تەواوم بەوەیە کە تاکە رێگە بۆ سەقامگیری، ئاسایش و خۆشگوزەرانی لە رۆژهەڵاتی ناوەڕاست گفتوگۆی گشتگیر و بوونیادنەر و لێکتێگەیشتنی هاوبەشی هەموو لایەنەکانە."

سەرۆکی هەرێمی کوردستان ئاماژەی بەوەشکرد، "سوپاس و پێزانینی خۆم ئاراستەی دۆناڵد ترەمپ و سەرکردەکانی دیکە دەکەم بۆ پابەندبوونیان بە دیپلۆماسی و چارەسەرکردنی ئاشتییانەی ناکۆکییەکان لەم کاتە گرنگەدا.