وڵاتان پێشوازی لە ئاگربەستی نێوان ئیسرائیل و ئێران دەکەن

ئاڤا نیوز

 

دوای ڕاگەیاندنی ئاگربەستی نێوان ئێران و ئیسرائیل، وڵاتانی جیهان پێشوازی لەم هەنگاوە دەکەن و داوا لە هەردوولا دەکەن پابەندی ئاگربەستەکە بن و نەیشکێنن. 

 

چیرۆکی سەرەکی: دوای 12 ڕۆژ لە جەنگی نێوان ئیسرائیل و ئێران، بەرەبەیانیی ئەمڕۆ (بەکاتی هەولێر) دۆناڵد ترەمپ، سەرۆکی ئەمریکا ئاشکرای کرد هەردوو وڵات رازی بوون بە ئاگربەست، کە لە بەیانیی سێشەممە (کاتژمێر 07:30 بە کاتی تاران) دەکەوێتە بواری جێبەجێکردنەوە.

 

کاریگەری و لێکەوتەکان: دوای ڕاگەیاندنی ئاگربەستەکە وڵاتان پێشوازیان لەم هەنگاوە کرد، پێش ئەوەی ئیسرائیل رایبگەیێنێت، ئێران دوو مووشەکی ئاراستەی ئیسرائیل کردووە و ئاگربەستەکەی پێشێل کردووە.

 
پێشوازیکردن لە ئاگربەستەکە:

 

هەرێمی کوردستان: نێچیرڤان بارزانی، سەرۆکی هەرێمی کوردستان لە ئێكس ڕایگەیاند "باوەڕی تەواوم بەوەیە تاکە ڕێگە بۆ سەقامگیری، ئاسایش و خۆشگوزەرانی لە رۆژهەڵاتی ناوەڕاستدا لە گفتوگۆی گشتگیر و بوونیادنەر و لێکتێگەیشتنی هاوبەشی هەموو لایەنەکانە."

ئەمریکا: دۆناڵد ترەمپ، سەرۆکی ئەمریکا ئاگربەستی ئیسرائیل و ئێران کەوتە بواری جێبەجێکردنەوە، تکایە پێشێلی مەکەن.

 

ئیسرائیل: ڕازیبووین بە پێشنیازەکەی ویلایەتە یەکگرتووەکانی ئەمریکا بۆ ئاگربەستی دوولایەنە لەگەڵ ئێران، لە ئەگەری پێشێلکاری، ئێمە بە هێزەوە وەڵام دەدەینەوە.

 

ڕاوێژکاری ئەڵمانیا: داوا لە هەردوو لایەنی ئێران و ئیسرائیل دەکات پابەندی ڕێککەوتنی ئاگربەست بن

 

سعودییە: وەزارەتی دەرەوەی سعودیە، پێشوازی لە پێشنیازی ئاگربەستی ترەمپ، لەنێوان ئێران و ئیسرائیل دەکات و دەڵێت، بەتامەزرۆییەوە چاوەڕوانی پابەندبوونی هەموو لایەنەکانە بۆ کەمکردنەوەی تووندوتیژی بۆ خۆبەدوورگرتن لە بەکارهێنانی هێز.

 

سەرۆکی یەکێتیی ئەوروپا: ئەمە هەنگاوێکی گرنگە بۆ گەڕاندنەوەی سەقامگیری لە ناوچەیەکی گرژدا، داواش لە ئێران دەکات، بە جددی بەشداری پرۆسەیەکی دیپلۆماسی باوەڕپێکراو بکات.