ئاگربەستی نێوان ئێران و ئیسرائیل لەگەڵ خۆیدا نرخی نەوتی دابەزاند

ئاڤا نیوز

دوای ئەوەی سەرۆکی ئەمریکا ئاگربەستی نێوان ئێران و ئیسرائیلی ڕاگەیاند، ئەم بەیانییە نرخی هەر بەرمیلێک نەوتی برێنت بە نزیکی 5% بەهاکەی لە دەستدا.

وێنە گەورەکە: لە شەڕی 12 ڕۆژەی نێوان ئێران و ئیسرائیل، نرخی نەوت لە بازاڕی جیهانی بەرزبوونەوەیەکی بەرچاوی تۆمار کرد، ڕۆژی 13ـی ئەم مانگە لە یەکەم ڕۆژی جەنگەکە نرخی هەر بەرمیلێک نەوتی برێنت گەیشتە سەروو 74 دۆلار و بەڕێژەی 7.02% بەرزبوونەوەی تۆمار کرد.

ژمارەکان وا دەڵێن: ئەم بەیانییە، دوای ڕاگەیاندنی ئاگربەستی نێوان ئێران و ئیسرائیل نرخی هەر بەرمیلێک نەوتی برێنت دابەزی بۆ 66 دۆلار و 95 سەنت. نرخی هەر بەرمیلێک نەوتی سووکی تەکساسیش 65 دۆلار و هەشت سەنتە.

ئەوەی پێویستە بیزانیت: دوێنێ دووشەممە، دۆناڵد ترەمپ، سەرۆکی ئەمریکا ڕایگەیاند، لە نزیکەوە چاودێری نرخی نەوت دەکەم، ناهێڵین نرخەکەی بەرز بێتەوە.