ترەمپ و زێلێنسکی کۆدەبنەوە

ئاڤا نیوز

سەرچاوەیەکی باڵا لە سەرۆکایەتیی ئۆکراینا بە ئاژانسی 'فرانس پرێسی' ڕاگەیاندووە، هەریەکە لە سەرۆکی ئۆکراینا و سەرۆکی ئەمریکا لە لاهای کۆدەبنەوە.

وێنەگەورەکە: بڕیارە ڕۆژی سێشەمە و چوارشەممە،  لووتکەی ناتۆ بە بەشداری 32وڵاتی ئەندام لە هۆڵەندا بکرێت و پرسی سەرەکی کۆبوونەوەکەش گفتوگۆکردنە لە بارەی  گرژییەکانی ڕۆژهەڵاتی ناوەڕاست.

زانیاریی بەدەستهاتوو: ئاژانسی فرانس پرێس لە زاری سەرچاوەیەکی باڵا لە سەرۆکایەتیی ئۆکراینا بڵاویکردەوە، ڕۆژی چوارشەممە لە پەراوێزی لووتکەی ناتۆ هەریەکە لە ڤۆلۆدیمێر زێلێنسکی، سەرۆکی ئۆکراینا و دۆناڵد ترەمپ، سەرۆکی ئەمریکا کۆدەبنەوە.

زانیاریی زیاتر: لە تەوەرێکی سەرەکی لووتکەکە تیشک دەخرێتە سەر جەنگی ئۆکراینا و ڕووسیا و سزاکانی سەر ڕووسیا و کڕینی چەک لەلایەن ئۆکرایناوە لە واشنتن.