سوپای پاسداران: وانەیەکی لەبیرنەکراومان بە ئیسرائیل دا

ئاڤا نیوز

لە دوایین ساتەکانی بەر لە دەستپێکردنی ئاگربەست و کەوتنە بواری جێبەجێکردنەوە، ئێران ‌‌هێرشێکی بۆ سەر پێگە و ئامانجەکانی لە ئیسرائیل کرد و لەمبارەیەشەوە سوپای پاسداران ئاشكرای دەکات، وانەیەکی لەبیرنەکراویان بە ئیسرائیل داوە.

چیڕۆکی سەرەکی: دوای دوانزە ڕۆژ لە جەنگی نێوان ئیسرائیل و ئێران، بەرەبەیانی ڕۆژی سێشەممە 24-6-2025، دۆناڵد ترەمپ، سەرۆکی ئەمریکا ئاشکرای کرد هەدوو وڵات لەسەر ئاگربەست ڕازی بوون و لەکاتژمێر حەوتی بەیانی بە کاتی هەولێر ئاگربەست کەوتە بواری جێبەجێکردنەوە.

ڕاگەیێنراوی فەرمی: سوپای پاسدارانی ئێران لە بەیاننامەیەکدا ڕایگەیاند، بە 14 مووشەک، بەر لە دەستپێکردنی ئاگربەست وانەیەکی مێژوویی و لەبیرنەکراویان بە ئیسرائیل داوە.

ئەوەی پێویستە بیزانیت: دواجار بە هەوڵەکانی سەرۆکی ئەمریکا توانرا هەردوو لایەنی ئێرانی و ئیسرائیلی بە ئاگربەست ڕازی بکات، بەڵام ترەمپ لە بارەی ئاگربەستەکە ئاشكرای کرد کە هیچ بەم دەرئەنجامە دڵخۆش نیە، چونکە هەردوو لایەن پێشێلکارییان کردووە.