هونەرمەندێکی ڕۆژهەڵاتی کوردستان گۆرانییەک دژی جەنگ دەڵێت

ئاڤا نیوز

 

هەردوو هونەرمەندی ڕۆژهەڵاتی کوردستان، موسلیم عەلیپوور و فەرەج عەلیپوور، گۆرانییەک دژی جەنگ بەرهەمدەهێنن.

 

ئەوەی پێویستە بیزانیت: گۆرانییەکە کە ناوی (زێدی من ئێرانە)ـیە، میوزیکەکەی موسلیم عەلیپوور خۆی کاری لەسەر کردووە و هەرچی گۆرانییەکەیە، بە دەنگی فەرەج عەلیپوور گوتراوە.

 
زانیاریی زیاتر: یەکێک لە تایبەتمەندییەکانی ئەم گۆرانییە ئەوەیە، ڤیدیۆ کلیپەکەی بە ژیریی دەستکرد دروستکراوە.

 

ئەوەی لەبارەیەوە دەگوترێت: پاش بڵاوبوونەوەی بەرهەمەکە، بەشێک لە ڕەخنەگران هاتنە دەنگ و دەڵێن: ئاوازی ئەم گۆرانییە هەمان ئاوازی گۆرانییە بەناوبانگەکەی هونەرمەندی کورد (ڕەزا سەقایی)ـیە بە ناوی (دایە دایە وەختی جەنگە).

 

بۆچی گرنگە: دوای 12 ڕۆژ لەبەردەوامی جەنگی نێوان ئیسرائیل و ئێران، بە نێوەندگیریی میری قەتەر و ئەمریکا هەردوو وڵات لەسەر ئاگربەست و ڕاگرتنی هێرشکردنە سەر یەکدی ڕێککەوتن؛ لەو ماوەیەکدا سەدان کەس لە هەردوولا کوژران و بریندار بوون.