عێراقچی: دەستبەرداری بەرنامە ئەتۆمییەکەمان نابین

ئاڤا نیوز

وەزیری دەرەوەی ئێران ڕایگەیاند، وڵاتەکەی هەرگیز دەستبەرداریی بەرنامە ئەتۆمییەکەی نابێت، سەڕەرای هێرشەکانی ئەمریکا بۆ سەر ئەو بەرنامەیە.

 

وێنەگەورەکە: بەرەبەیانی ڕۆژی یەکشەممە 22-6-2025، ئەمریکا هێرشێکی بەرفراونی کردە سەر سێ پێگەی سەرەکی ئێران ' نەتەنز، ئەسفەهان و فۆردۆ' بەمەبەستی لەناو بردنی بەرنامە ئەتۆمییەکەی ئەو وڵاتە بەڵام تاران پێداگیرە لەسەر بەرنامە ئەتۆمییەکەی.

لێدوانی فەرمی: عەباس عێراقچی، وەزیری دەرەوەی ئێران ڕایگەیاند:  ناتوانرێت ڕێککەوتنێکی گشتگیر لەگەڵ  ئەوروپادا بکرێت، چونکە توانای هەڵگرتنی سزاکانی نییە.

- ئێمە پابەند بووین بە پەیماننامەی قەدەغەکردنی چەکی ئەتۆمی.

-پێویستە پێداچوونەوە بە شێوازەکانی پاراستنی دامەزراوە ئەتۆمییەکانمان بکەین.

لەلایەکی دیکەوە: سەڕەرای ئەوە ئەمریکا ڕایگەیاند، بەهۆی هێرشەکانمان بۆ سەر دامەزراوە ئەتۆمییەکانی ئێران تواناکانیان لە ناوبراون بەڵام عێراقچی گوتی، دەستبەرداری بەرنامە ئەتۆمییەکەمان نابین بۆ مەبەستی ئاشتی.