لە سلێمانی یادی هونەرمەند عەتا چاوشین کرایەوە

ئاڤا نیوز

کۆمەڵەی هونەری میللی کوردستان لە ساڵیادی کۆچی دوایی هونەرمەند (عەتا چاوشین)ـدا ڕێوڕەسمێکی ڕێکخست و تێیدا یادی ئەو هونەرمەندە بەرز ڕاگیرا.

ئەوەی پێویستە بیزانیت: ڕێوڕەسمەکە دانانی چەپکە گوڵی وەفا بوو لەسەر پەیکەری هونەرمەند عەتا چاوشین لە پارکی عەتا چاوشین لە فولکەی خاڵە حاجی لە سلێمانی.

لێدوانی فەرمی: هونەرمەند جەزای ساز، سەرۆکی کۆمەڵەی تیپە میللیەکان و ڕێکخەری مەراسیمەکەش بە ئاڤا میدیای ڕاگەیاند: ئێمە هەرگیز هاوڕێ هونەرمەندەکانمان لە یاد ناکەین. وتیشی بارودۆخ هەرچەندە سەخت بێت، نابێت هونەر پشتگوێ بخەین.

هونەرمەند گرووپی موزیکی فیلمی تایتانیک بە نمونە دەهێنێتەوە و دەڵێت: هەموومان دەمانزانی ئەو گرووپە موزیکەی نێو کەشتی تایتانیک نوقم دەبن، بەڵام ئەوان تا دواهەناسە موزیکیان بۆ سەرنشینەکان لێدا.