میر ئامانج ئەلبوومێکی موزیک بە ناوی "گوڵ" بڵاودەکاتەوە

ئاڤا نیوز

گەنجێکی شاری سلێمانی ئەلبوومێکی موزیک بە ناوی "گوڵ" بڵاودەکاتەوە کە چەندین هونەرمەندی بەناوبانگ بەشداریی بەرهەمەکەیان کردووە.


ئەوەی پێویستە بیزانیت: میر ئامانج، ناسراو بە میر سابوونچی، گەنجێکی شاری سلێمانییە و ژەنیاری ئامێرە ڕیتمییەکانە و بەشداری لە چەندین کۆنسێرت و پڕۆگرامی موزیکیدا کردووە، جگە لەوەی لە ناوخۆدا چەندین مامۆستا هاوکارییان کردووە، خۆشی چووەتە وڵاتانی دیکە و بەدوای فێربوونی زیاترەوە بووە.

میر ئێستا یەکێکە لە ژەنیارە بەتواناکان و خاوەنی بەرهەمی خۆیەتی، لە نوێترین کاریشیدا ئەلبوومێکی بڵاوکردووەتەوە بە ناوی (گوڵ) بەشی زۆری کاری تۆمارکردنی ڤیدۆیی ئەم ئەلبوومە تەواوبووە و لە ئیستەنبووڵ و دوبەی وێنەی گیراوە.

زانیاریی زیاتر: هونەرمەندی دیاری تورک (ئایکوت ساتوغڵو) بە ئامێری کلارنێت بەژداری بەشێکی بەرهەمەکەی کردووە و هونەرماندانی کورد (بابان فەرەیدون بە ئامێری بەیس گیتار، یوسف خەسرەو بە ئامێری پیانۆ، هاوبەش جیهان بە ئامێری گیتار، بابان ئەحمەد بە ئامێری قانون) بەژدارییان کردووە.