ترەمپ بۆ زێلینسکی: جەنگی ڕووسیا و ئۆکراینا ڕادەگرم

ئاڤا نیوز

سەرۆکی ئەمریکا لە کۆبوونەوەی لەگەڵ سەرۆکی ئۆکراینا جەخت دەکاتەوە لەسەر ڕاگرتنی جەنگی نێوان ڕووسیا و ئۆکراینا.

چیرۆکی سەرەکی: لە پەراوێزی کۆبوونەوەی دەوڵەتانی هاوپەیمانێتی ناتۆ لە لاهای، هەریەک لە دۆناڵد ترەمپ، سەرۆکی ئەمریکا و ڤۆلۆدیمێر زێلینسکی، سەرۆکی ئۆکراینا کۆبوونەوە.

لێدوانی فەرمی: ڤۆلۆدیمێر زێلینسکی، سەرۆکی ئۆکراینا دوای کۆبوونەوەکە بە میدیاکانی ڕاگەیاند، "کۆبوونەوەیەکی زۆر باشم لەگەڵ سەرۆک ترەمپ ئەنجامدا، جەختمان کردەوە لەسەر ڕێککەوتننامەی ئاشتی و زیادکردنی هەوڵەکان بۆ بەرپاکردنی ئاشتی، سەرۆک ترەمپ جەختی کردەوە لەسەر ڕاگرتنی هێرشەکانی ڕووسیا بۆ سەر خاکی ئۆکراینا".

لە لایەکی دیکەوە: دۆناڵد ترەمپ، سەرۆکی ئەمریکا لە کۆنگرەیەکی ڕۆژنامەوانیدا ڕایگەیاند: کۆبوونەوەیەکی زۆر باش و گرنگم لەگەڵ زێلینسکی هەبوو، دەبێت جەنگی نێوان ڕووسیا و ئۆکراینا ڕابگیرێت، قسە لەگەڵ ڤلادیمێر پووتین دەکەم، دەبێت جەنگی نێوان هەردوو وڵات ڕابگیرێت و ڕووسیا هێرشەکانی ڕابگرێت.