وەزیری دەرەوەی ئەڵمانیا: "کارتی گوشاری بەهێزمان" لەبەر دەستە لە دانوستانە ئەتۆمییەکاندا لەگەڵ ئێران

ئاڤا نیوز

وەزیری دەرەوەی ئەڵمانیا، ڕایگەیاند کە پێی وایە ئەوروپییەکان لە پێگەیەکی بەهێزدان لە ئەنجامدانی دانوستان لەگەڵ ئێران سەبارەت بە بەرنامە ئەتۆمییەکەی.

وێنە گەورەکە: هەوڵەکان بۆ ڕازیکردنی ئێران بە گەڕانەوەی بۆ سەر مێزی گفتوگۆ و ڕێککەوتن لەسەر بەرنامە ئەتۆمییەکەی بەردەوامن، لە ئەگەری ڕێکنەکەوتن لەگەڵ ئێران، بەشێک لە وڵاتانی ئەوروپی هەڕەشەی سزایەکی تووند بەسەر ئەو وڵاتە دەکەن.

لێدوانی فەرمی: یۆهان فادیفۆل، وەزیری دەرەوەی ئەڵمانیا بە کەناڵی ZDFـی ڕاگەیاند: "ئێمە کارتی گوشاری زۆر باشمان لەبەردەستە." ئەوروپییەکان دەتوانن سزا بەسەر تاراندا بسەپێنن لە ڕێگەی بەکارهێنانی ئەو میکانیزمەی کە پێی دەوترێت "سناپ باک" (Snapback) یان"میکانیزمی گێڕانەوەی سزا لەناکاوەکان". بەپێی ڕێککەوتنی ئەتۆمیی ساڵی 2015، کە دۆناڵد ترەمپ، سەرۆکی پێشووی ئەمریکا لە ساڵی 2015ـدا لێی کشایەوە، ئەم میکانیزمە دەتوانرێت کارا بکرێت ئەگەر دانوستانەکان لەگەڵ ئێران سەرکەوتوو نەبوو.

باکگراوند: بەریتانیا، فەرەنسا و ئەڵمانیا، 10 ساڵ لەمەوبەر ڕێککەوتنی ئەتۆمی ئێرانیان واژۆ کرد، کە مانگی 10ـی ئەمساڵ بە فەرمی کۆتایی دێت، هەرچەندە لە ئێستادا بە کرداری جێبەجێ ناکرێت.