ئیسرائیل: ڕێگە نادەین ئێران پەرە بە بەرنامە ئەتۆمییەکەی بداتەوە

ئاڤا نیوز

وەزیری بەرگریی ئیسرائیل دەڵێت، وڵاتەکەی ڕێگە نادات ئێران جارێکی دیکە پەرە بە بەرنامەی ئەتۆمیی و مووشەکە دوورمەدواکانی بداتەوە.

وێنە گەورەکە: جەنگی نێوان ئیسرائیل و ئێران دوای 12 ڕۆژ بە نێوەندگیری ئەمریکا وەستا، هەوڵەکان بۆ ڕازیکردنی ئێران بۆ گەڕانەوە بۆ سەر مێزی گفتوگۆ بەردەوامن، بە مەرجێک نەبێتە خاوەنی چەکی ئەتۆمی.

لێدوانی فەرمی: یسرائیل کاتز، وەزیری بەرگریی ئیسرائیل ڕایگەیاند، "بەرنامەی ئەتۆمی و مووشەکی ئێران هەڕەشەن و پلانی سەرەکیی حکومەتی ئیسرائیلیش ئەوەیە کە بە بەهێزییەوە سیاسەتەکانی لە دژی ئێران جێبەجێ بکات".

زانیاریی زیاتر: کاتز بە میدیاکانی وڵاتەکەی ڕاگەیاند، "ئەگەر بزانن ئێران جارێکی دیکە دەست بە بەرنامە ئەتۆمییەکەی دەکاتەوە، ئەوا ئەوانیش ئامادەن جارێکی دیکە هێرشی بکەنەوە سەر".  ئیسرائیل بێ ئەوەی لە بەشداری ئەمریکا دڵنیا بێت هێرشەکانی دەستپێکرد.