یەکێک لە عەزیەکانی شازادە دایانا بە زیاتر لە نیو ملیۆن دۆلار فرۆشرا

ئاڤا نیوز

یەکێک لە عەزیەکانی شازادە دایانا بە زیاتر لە نیو ملیۆن دۆلار فرۆشرا، کە دیزاینی بێلڤیل ساسۆن بوو، لە زیادکردنێکی خێرخوازیدا بۆ جلوبەرگ و ئێکسسوارات خرایەڕوو، کە لەلایەن خانەی زیادکردنی ئەمریکیی "جولیان"ـەوە ڕێکخرابوو.

چیرۆکی سەرەکی: ڕینی پلانت، کە بەڕێوەبەری مۆزەخانەیەکی گریمانەیی شازادە دایانایە، لە زیادکردنەکە کڕینی عەزێکەی بردەوە. زیادکردنەکە، ناوی "شێوازی شازادە دایانا و کۆمەڵەیەکی شاهانە" بوو، لە هۆتێل پێنینسولا بێڤەرلی هیڵز، لە لۆس ئەنجلس بەڕێوەچوو.

زانیاریی زیاتر: زیاتر لە 300 پارچە جل، کە پەیوەست بوون بە دایانا و ئەندامانی تری بنەماڵەی شاهانەی بەریتانیا، بۆ فرۆشتن خرانەڕوو. عەزێکە بە بڕی 520 هەزار دۆلار فرۆشرا.

ئەوەی پێویستە بیزانیت: لە نێوان ساڵانی 1988 و 1992، دایانا عەزیەیەکی شینی گوڵداری لە قوماشی کرێپ دی شین (حەریری) لە چەندین سەردانیدا بۆ نەخۆشخانەکان لەبەر کرد، هەر بۆیەش نازناوی "کراسی بایەخدان"ـی لێنرا.

لێدوانی فەرمی: مارتن نۆلان، هاودامەزرێنەر و بەڕێوەبەری جێبەجێکاری خانەی "جولیان"، بە گۆڤاری "پیپڵ"ـی وت: "عەزیەیێکی ڕەنگاوڕەنگ و سادە و خۆشەویست بوو، سەرنجی ڕادەکێشا. کاتێک شازادە دایانا سەردانی منداڵان و خەڵکی لە نەخۆشخانە دەکرد، ڕەنگەکان سەرنجی ئەوانی ڕادەکێشا و هەستیان دەکرد دەتوانن باوەشی پێدا بکەن."

دایانا "کراسی بایەخدان"ـی لە چەندین وڵاتدا لەبەرکرد، لەوانە ئوسترالیا، بەرازیل، نایجیریا و ئیسپانیا، و بەریتانیا.