پووتین: دانوستانەکانمان لەگەڵ ئۆکراینا بەردەوام دەبێت

ئاڤا نیوز

 

ڕووسیا جەخت لە بەردەوامیدان بە دانوستانەکانیان لەگەڵ ئۆکراینا دەکات و گەڕی داهاتووی دانوستانیش لە ئیستەنبووڵ دەبێت. 

 

وێنە گەورەکە: ڕووسیا و ئۆکراینا دوو گەڕی دانوستانیان لە ئەستەنبووڵ ئەنجامداوە، لە کۆتا گەڕی دانوستانەکانی ئەم دوایەشیاندا ڕێککەوتن لەسەر ئاڵوگۆڕی دیلەکان و تەرمی سەربازانی هەردوولا کرا.

 

لێدوانی فەرمی: ڤلادیمێر پووتین، سەرۆکی ڕووسیا ڕایگەیاند، دوای ئاڵوگۆڕکردنی دیلەکانیان دانوستانەکانیان لەگەڵ ئۆکراینا بەردەوام دەبێت و ترەمپ پیاوێکی ئازایە و دڵسۆزانە هەوڵدەدات بۆ کۆتاییهێنان بە جەنگی ئۆکراینا، من ڕێزی زۆرم بۆ ئەو هەیە.

 

ئاماژەی بەوەشکرد، ڕووسیا ئامادەیە بۆ ئەنجامدانی گەڕێکی دیکەی دانوستان لەگەڵ ئۆکراینا لە ئەستەنبووڵ و سوپاسی هاوکارییەکانی رەجەب تەیب ئەردۆغان، سەرۆککۆماری تورکیا دەکەین.

 

جەختی لەوەشکردەوە، هەڵسوکەوتی وڵاتانی ڕۆژئاوا دژی ڕووسیان و زیادکردنی بودجەی سەربازی ناتۆش نیشاندەری ئەوەیە.