ڕۆژانە زیاتر لە 50 سەگی بێلانە لە هەولێر کۆدەکرێنەوە

ئاڤا نیوز

 

کۆکردنەوەی سەگی بێلانە لە کۆچە و کۆڵانەکانی شاری هەولێر بەردەوامە و بەگوتەی پارێزگاری شارەکەش، ڕۆژانە نزیکەی 50 سەگی بێلانە دەبرێنە شێڵتەرەکانی سەگ.

 

وێنە گەورەکە: دوای زیادبوونی سەگی بێلانە لە شاری هەولێر و دروستکردنی مەترسی لەسەر هاووڵاتیان، پارێزگاری هەولێر بڕیاری دروستکردنی شێڵتەری سەگی دەرکرد؛ کە ئامانج لێی کۆکردنەوە و پاراستینانە لە شوێنێکی تایبەت، ڕۆژانەش بەبەردەوامی سەگ لە کۆڵانەکان کۆدەکرێنە و دەبرێنە شێڵتەر و لەلایەن تیمی تایبەت چارەسەر دەکرێن و چاودێری دەکرێن.

 

لێدوانی فەرمی: ئومێد خۆشناو، پارێزگاری هەولێر ڕایگەیاند، کۆکردنەوەی سەگە بێلانەکان بەردەوامە، دوو تیم ڕۆژانە زیاتر لە 50 سەگی بێلانە لە کۆچە و کۆڵانەکان کۆدەکەنەوە، لە ماوەی ساڵێک و 10 مانگدا زیاتر لە 17 هەزار سەگی بێلانە لە هەولێر کۆکراوەتەوە و بردراونەتە نێو شێڵتەر، بەنزیکەیی 15 هەزاریش ماون، بەتایبەتی لە شارۆچکەکانی دەورووبەری هەولێر.

 

زانیاریی زیاتر: لە ڕۆژانی یەکشەممە تاکوو پێنجشەممە، پزیشکی ڤێرتێرنەری نەشتەرگەری بۆ سەگە بێلانەکان دەکات، دوای نەشتەرگەرییەکەش دەگەڕێنرێنەوە شوێنەکانیان، تائێستاش زیاتر لە 7 هەزار سەگی بێلانە نەشتەرگەریان بۆ کراوە و لە شێڵتەر دەرچوون. هاوکات بەگوێرەی ئامارەکان لە دوو مانگی ڕابردوودا لەگەڵ کردنەوەی ئەم شێڵتەرە ڕێژەی گەستن 47% کەمیکردووە.

 

ئەوەی پێویستە بیزانیت: بەمەبەستی کۆکردنەوەی سەگە بێلانەکان لە هەولێر، پڕۆژەی دروستکردنی شێڵتەری سەگی بێلانە بەگوژمەی 455 ملیۆن دینار، لەسەر بودجەی پارێزگای هەولێر لەسەر ڕووبەری 20 دۆنم زەوی دروست کراوە و ڕۆژانە چەندین تیمی پزیشکیی ڤێتێرنەری و کارمەندی تایبەت تێیدا کار دەکەن.