منداڵێکی تازە لەدایکبوو دۆزرایەوە

ئاڤانیوز

لە گوندێکی سنووری ناحیەی شوان منداڵێکی تازە لەدایکبوو دۆزرایەوە، خەڵکی گوندەکەش منداڵەکەیان ڕەوانە نەخۆشخانە کردووە.

چیرۆکی سەرەکی: سەر لە بەیانی ئەمڕۆ لەبەردەم مزگەوتی گوندی ئیلینجاغ لە سنووری ناحیەی شوانی سەر بە پارێزگای کەرکووک منداڵێکی تازە لەدایکبوو دۆزراوەتەوە، ئەم گوندە لە تەقتەق نزیکە، بۆیە خەڵکی گوند منداڵەکەیان بردووەتە نەخۆشخانەی تەقتەق لەوێشەوە ڕەوانەی نەخۆشخانە فێرکاری شەهید دکتۆر خالید لە کۆیە کراوە.

لێدوانی فەرمی: هاوکار عەلی، بەڕێوەبەری ڕاگەیاندنی تەندروستی کۆیە بە ئاڤا میدیای گوت: ئەم منداڵە تازە لەدایکبووە، ڕەگەزی نێرە و تەندروستی جێگیرە، لەلایەن کارمەندانی نەخۆشخانە ئاگاداری دەبن و چاودێری دەکەن تا ئەو کاتەی دادوەر بڕیاری لەسەر دەدات.