ئیسرائیل مەرجی ئاساییکردنی پەیوەندییەکانی لەگەڵ سووریا ئاشکرا دەکات

ئاڤا نیوز

وەزیری دەرەوەی ئیسرائیل ئاشکرای دەکات، دەبێت سووریا دان بە مافی ئیسرائیل لە کۆنتڕۆڵکردنی بەرزاییەکانی جۆلاندا بنێت بۆ ئەوەی لە داهاتوودا هەر ڕێککەوتنێک لەگەڵ ئەو وڵاتە واژۆ بکەن.

لێدوانی فەرمی: گەدعۆن ساعر، وەزیری دەرەوەی ئیسرائیل لە چاوپێکەوتنێکی تەلەڤزیۆنی ناخۆی وڵاتەکەیدا ڕایگەیاند: ئەگەر دەرفەتی گەیشتن بە ڕێککەوتنی ئاشتی و ئاساییکردنەوەی پەیوەندییەکان لەگەڵ سووریادا هەبێت هاوکات بەرزاییەکانی جۆلان لەژێر کۆنترۆڵی ئێمەدا بێت ئەوە شتێکی ئەرێنییە بۆ ئاییندەی ئیسرائیلییەکان.

زانیاریی زیاتر: هاوکات میدیا ئیسرائیلییەکان لە سەرچاوەیەکی ئاگاداری سووری بڵاویان کردووەتەوە، ئیسرائیل و سووریا پێش کۆتایی هاتنی ئەمساڵ ڕێککەوتنی ئاشتی واژۆ دەکەن، ئاماژەیان بەوەشکرد؛ بەگوێرەی ئەو ڕێککەوتنە ئیسرائیل لە تەواوی خاکی سووریا دەکشێتەوە کە دوای ڕووخانی دەسەڵاتی ئەسەد لە کۆتایی ساڵی ڕابردوو کۆنتڕۆڵی کردووە.

ئەوەی پێویستە بیزانیت: ئیسرائیل لە جەنگی ساڵی 1967ـەوە لەگەڵ سووریا و ئوردن و میسر و عێراق، کۆنترۆڵی بەرزاییەکانی جۆلانی لە باشووری ڕۆژئاوای سووریا کردووە.