گەورەترین ئاڵای کوردستان لە پاركێكی هەولێر بە بەرد دروست دەکرێت

ئاڤا نیوز

 

لەسەر یەکتربڕی شەقامی 120 مەتری و ڕێگەی هەولێر ـ مووسڵ، پارکێکی دەكرێتەوە کە گەورەترین ئاڵای کوردستانی تێدا بە بەرد دروست کراوە.

 

چیرۆکی سەرەکی: لەسەر ڕووبەری 205 هەزار مەتر دووجا پارکێکی گەورە لەسەر شەقامی 120 مەتری شاری هەولێر دەکرێتەوە كە هەشت هەزار دار، بیست هەزار گوڵ، دوو ئاڵای گەورەی کوردستان و سیستمی ئاودێری و ڕووناککەرەوەی لەخۆگرتووە.

 

لێدوانی فەرمی: ئەندازیار ئەنوەر شێروانی، سەرپەرشتیاری پڕۆژەکە بە ئاڤا میدیای گوت: کارەکانی پارکەکە 99٪ـی تەواو بوونە و هەندێ وردەکاریی بچووکی ماوە و لە ئایندەیەکی نێزیک ئەوانیش تەواو دەكرێن.

 

زانیاریی زیاتر: لەنێو ئەم پارکەدا ئاڵایەکی گەورەی کوردستان بە بەرد دروست کراوە كە ڕووبەرەکەی چوار هەزار مەتر دووجایە، هەر گەشتیارێک بە ڕێگەی ئاسمانی بێتە هەولێر دەتوانێت لە ئاسمانەوە ئەو ئاڵایە ببینێت، چونکە کەوتووەتە سەر ڕێڕەوی ئەو فڕۆکانەی لە فڕۆکەخانەی نێودەوڵەتیی هەولێر دەنیشنەوە.