ژمارەی کوژراوەكانی هێرشە ئاسمانییەكەی ئیسرائیل بۆ سەر زیندانی ئێڤین بڵاوکرایەوە

ئاڤا نیوز

 

دەسەڵاتی دادوەریی ئێران ڕایگەیاند، بەهۆی هێرشە ئاسمانییەكەی ئیسرائیل بۆ سەر زیندانی ئێڤین لە تارانی پایتەختی ئێران، 71 کەس کوژراون و دەیان كەسی دیکەش برینداربوون.

 

وێنە گەورەکە: لە چوارچێوەی جەنگە 12ڕۆژییەکەی نێوانیان، ڕۆژی 24-6-2025، ئیسرائیل هێرشێکی ئاسمانی کردە سەر بەشی پێشەوەی دەروازەی زیندانی ئێڤین.

 

ڕاگەیێنراوی فەرمی: دەسەڵاتی دادوەریی ئێران لەبارەی ژمارەی کوژراوانی زیندانەکە ڕایگەیاند: بەهۆی هێرشەکەی ئیسرائیل بۆ سەر بەندیخانەكە، ژمارەی کوژراوان گەیشتووەتە 71 کەس. لەنێو کوژراوەکانیش پۆلیس، زیندانی و کەسوکاری زیندانی تێدایە.

 

لەلایەکی دیکە: ڕێکخراوەکانی مافی مرۆڤ باس لە دۆخی خراپی زیندانیانی سیاسیی نێو ئەو زیندانە دەکەن و چەندین جار هۆشدارییان بە دەسەڵاتدارانی ئێران داوە لەبارەی دۆخی زیندانیان و دەڵێن، تەنیا لە یەک ژووری زیندانییەكە، 40 کەس زیندانی کراون.