ئاڤا بەدواداچوون بۆ گرفتی کەمئاویی گەڕەکێکی هەولێر دەکات

ئاڤا نیوز

 

دانیشتوانی گەڕەکی دارەتووی نوێ لە شاری هەولێر، ماوەی چەند ڕۆژێکە ئاوی خواردنەوەیان گرفتی هەیە. دوای گەیاندنی داواکارییەکەیان لە ڕێگەی ئاڤاوە، بەڕێوەبەری گشتیی ئاو و ئاوەڕۆی هەولێر بەڵێنی چارەسەرکردنی گرفتەکە دەدات. 

 

چیرۆکی سەرەکی: گەڕەکی دارەتووی نوێ كە دەکەوێتە باکووری خۆرهەڵاتی شاری هەولێر لە قەزای بنەسڵاوە، ماوەی چەندین ڕۆژێكە تووشی گرفتی کەمئاوی بوونەتەوە، ئەمەش سەرەڕای بوونی چەندین بیری ئاو لە نزیک ناوچەکەیان، كەچی بە تانکەر و بە نۆرە ئاویان بۆ دابین دەکرێت، لەسەر ئەم بابەتەش پەیوەندییان بە ئاڤاوە کرد تا بەدواداچوونیان بۆ بکرێت. 

 

زانیاریی زیاتر: دوای گەیاندنی داواکاریی دانیشتوانی ئەو گەڕەکە، بەڕێوەبەرایەتیی گشتیی ئاو و ئاوەڕۆی هەرێمی کوردستان، بەڵێنی چارەسەری کێشەی كەمئاوی گەڕەکی دارەتووی نوێ دەدات.

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان، بە ئاڤا میدیای ڕاگەیاند: بەدواداچوون بۆ کێشەکەیان دەکەین، هەروەها تا چارەسەرکردنی کێشەکەشیان بە تانکەر ئاویان بۆ دابین دەکەین.