یەکەم کۆبوونەوەی دوای جەنگ؛ نێردەی ترەمپ و بەرپرسانی ئێران کۆدەبنەوە

ئاڤا نیوز

 

میدیای ئەمریکا ئاشکرای دەکات، بەمزووانە ستیڤ ویتکۆف، نێردەی تایبەتی سەرۆکی ئەمریکا لە ڕۆژهەڵاتی ناوەڕاست لەگەڵ بەرپرسانی ئێران کۆ دەبێتەوە.

 

وێنە گەورەکە: لە دوای هێرشەکەی ئەمریکا بۆ سەر دامەزراوە ئەتۆمییەکانی ئێران، بەرپرسانی ئەو وڵاتە چەندین جار دووپاتیان کردووەتەوە ئامادەی دەستپێکردنەوەی گفتوگۆ و دانوستاندنن لەگەڵ تاران بۆ گەیشتن بە ڕێککەوتنێکی هەمەلایەنەی نوێ لە بارەی پرسی ئەتۆمییەوە.

 

بڵاوکراوەی فەرمی: کەناڵی ئێن.بی.سی نیوزی ئەمریکی بڵاویکردەوە، لە هەنگاوێکی دیپلۆماسیدا و بە ئامانجی گەیشتن بە ڕێککەوتنێک لەسەر ڕاگرتنی پیتاندنی یۆرانیۆم لە لایەن ئێرانەوە و کەمکردنەوەی سزاکانی ئەمریكا لەسەر ئەو وڵاتە، ستیف ویتکۆف، نێردەی دۆناڵد ترەمپ بۆ ڕۆژهەڵاتی ناوەڕاست، لەگەڵ بەرپرسانی ئێران کۆ دەبێتەوە.

 

ئەمەش بزانە: تاوەکو ئێستا هیچ زانیارییەک لە بارەی کات و شوێنی کۆبوونەوەی نێردەی ئەمریکا و بەرپرسانی ئێران ئاشکرا نەکراوە.