هاتووچۆی سلێمانی لەبارەی داخستنی شەقامێک شۆفێران ئاگادار دەکاتەوە

ئاڤا نیوز

 

بەڕێوەبەرایەتیی هاتوچۆی سلێمانی، لەبارەی داخستنی بەشێکی شەقامی شەست مەتریی شارەكە، شۆفێران ئاگادار دەکاتەوە و دەڵێت: شەقامەکانی دیکە بەکار بهێنن. 

 

چیرۆکی سەرەکی: شەقامی بازنەی مەلیک مەحموود ناسراو بە شەستییەکەی سلێمانی، بەهۆی خوولانەوەی بە دەور شارەكە، یەکێکە لە ڕێگە سەرەکی و شادەمارییەكانی ئەو شارە و تاکە ڕێگەی فراوانیشە کە شۆفێران دەتوانن لەناو شارەکە و بە خێرای شەست کیلۆمەتر لە کاتژمێرێکدا لێخوڕین. ئێستا بەهۆی نۆژەنکردنەوەی، بەشێک لەو شەقامەكە گیراوە.

 

ڕاگەیێنراوی فەرمی: به‌ڕێوه‌به‌رایه‌تیی هاتوچۆی پارێزگای سلێمانی ڕایگەیاند: شەقامەكەمان بە هۆی قیركردنەوە لە بازنەی مەلیک مەحموود بە ئاراستەی گاردن سیتی تاوەکو پردی کۆبانێ داخستووە. بەڕێوەبەرایەتییەکە داواشی لە شۆفێران كردووە شەقامی خزمەتگوزارییەکە یاخود شەقامەکانی دیکەی ناو گەڕەکی کوردسات بەکار بهێنن.

 

لەلایەکی دیکەوە: شارەوانی سلێمانی لە بڵاوکراوەیەکدا ڕایگەیاند: کارەکانی قیرتاوکردنی شەقامی بازنەی مەلیک مەحموود بەشێوەیەکی کاتی ڕاگیراوە بۆ کاتی گونجاو، لە ڕۆژانی پشوو یاخود شەوان کارکردنی تیمەکان دەستپێدەکاتەوە.