ڕۆژنامەیەکی ئیسرائیلی: 100 هەزار کەس لە غەززە گیانیان لەدەست داوە

ئاڤا نیوز

ڕۆژنامەیەکی ئیسرائیلی ئاشکرای دەکات، لە سەرەتای دەستپێکردنی جەنگ لە کەرتی غەززە لە ساڵی 2023 تاوەکو ئێستا، "زیاتر لە 100 هەزار کەس لەو کەرتە گیانیان لەدەست داوە".

 

وێنە گەورەکە: لە تشرینی یەکەمی ساڵی 2023ـەوە جەنگ لە نێوان فەلەستینییەکان و ئیسرائیل لە کەرتی غەززە دەستی پێکردووە، بە دەیان هەزار کەس بەهۆی بۆردوومانی ئیسرائیل بریندار و گیانیان لەدەست داوە، هاوکات بە هەزاران کەسیش بەهۆی نەبوونی خۆراکی پێویست و ڕێگرییکردن لە چوونە ژوورەوەی هاوکارییە مرۆییەکان بۆ نێو کەرتەکە لەلایەن سوپای ئیسرائیلەوە، گیانیان لەدەست داوە.

 

ڕاگەیێنراوی فەرمی: ڕۆژنامەی 'هائارێتز' لە ڕاپۆرتێکدا ڕایگەیاند: جەنگی غەززە خوێناویترین جەنگە لە سەدەی 21، تاوەکو ئێستا 100 هەزار کەس لە غەززە کوژراون، واتە 4% کۆی گشتیی دانیشتووانی کەرتەکە، ڕۆژنامەکە ئاماژە بەوەش دەکات کە ئاماری ڕاستەقینە پەیوەست بە قوربانییان 40% زیاترە لەوەی بڵاو دەکرێتەوە.

 

بۆچوونی لایەنی بەرامبەر: بەگوێرەی ڕاپۆرتی وەزارەتی تەندروستی لە غەززە، زیاتر لە 186 هەزار کەس بریندار و گیانیان لەدەست داوە كە زۆربەیان منداڵ و ئافرەتن، هاوکات زیاتر لە 11 هەزار کەسیش بێسەروشوێنن و کەوتوونەتە ژێر داروپەردووی خانوو و باڵەخانە ڕووخاوەکانەوە.