فەرماندەیەکی باڵای سوپای قودسی پاسداران گیانی لەدەستدا

ئاڤا نیوز

فەرماندەیەکی یەكەی ئیتلاعاتی سوپای قودسی پاسداران، دوای ئەوەی لە هێرشە ئاسمانییەکانی ئیسرائیل بۆ سەر تاران بریندار بوو بوو، ئەمڕۆ گیانی لەدەستدا.

وێنە گەورەکە: ماوەی 12 ڕۆژ جەنگی نێوان ئیسرائیل و ئێران بەردەوام بوو، لەم جەنگەدا ئیسرائیل ئامانجی بوو سەرکردە سەربازییەکانی ئێران بکوژێت، لەکاتی هێرشەکان هەندێکیان بریندار بوون، بەهۆیەوە بە هۆی سەختی برینەکانیان ڕۆژانە بەشێکیان گیان لەدەست دەدەن.

زانیاریی بەدەستهاتوو: ئاژانسی هەواڵی تەسنیمی ئێران ڕایگەیاند: ئەبوفەزڵ نیکویی ناسراو بە حاجی یونس، کە فەرماندەی یەکەی ئیتڵاعاتی سوپای قودسی پاسداران بوو، لە هێرشەکانی ئیسرائیل بریندار بوو بوو، بەهۆی سەختی برینەکەی ئەمڕۆ گیانی لەدستدا.

زانیاریی زیاتر: ئەبوفەزڵ نیکویی، نزیکترین فەرماندەی چەکداریی قاسم سولەیمانی فەرماندەی پێشووی فەیلەقی قودس بوو.