بڕیاری قەدەغەكردنی مەدخەلییەكان لە عێراق بە ناڕاستەوخۆ هەڵدەوەشێتەوە

ئاڤا نیوز

ڕاوێژكاری ئاسایشی نیشتمانیی عێراق، بە نووسراوێكی نهێنی بەشێوەیەكی ناڕاستەوخۆ بڕیاری قەدەغەكردنی مەدخەلییەكان هەڵدەوەشێنێتەوە و داوای پێداچوونەوە و وردبینی زیاتر دەكات لە ناساندنی دەستەواژەی مەدخەلی.

نووسراوی فەرمی: بەگوێرەی نووسراوێكی نهێنی كە دزەی پێكراوە و لە بەشێك لە میدیا عێراقییەكان بڵاوكراوەتەوە، بە واژۆی قاسم ئەعرەجی، ڕاوێژكاری ئاسایشیی نیشتمانی نووسراوێك ئاراستەی بەڕێوەبەرایەتیی هەواڵگری سەر بە وەزارەتی بەرگریی عێراق كراوە، داوا كراوە پێداچوونەوە بە ناساندنی دەستەواژەی جووڵانەوە توندڕەوەكان بكرێت كە هەڕەشەن بۆ سەر ئاشتی و سەقامگیریی كۆمەڵگە بەپێی یاسا كارپێكراوەكانی عێراق.

زانیاریی زیاتر: لە ناوەڕۆكی نووسراوەكە ئاماژە بەوە كراوە كە (مەدخەلییەكان) كە مەبەستی ڕەوتی سەلەفیی مەدخەلییە، لە چوارچێوەی جووڵانەوە و گروپە تووندڕەوەكان دەربهێندرێت.

باکگراوند: ڕاوێژكارییەتی ئاسایشی نیشتمانی سەر بە دیوانی سەرۆكایەتی ئەنجوومەنی وەزیرانی عێراق، پێشتر بە نووسراوێكی نهێنی لە مانگی نیسانی ڕابردوو، كە ئاراستەی دەزگای هەواڵگریی و ئەمنی سەر بە وەزارەتی بەرگریی كردبوو، داوای قەدەغەكردنی چالاكیی مەدخەلییەكانی كردبوو بە بیانووی ئەوەی هزری توندڕەوی بڵاودەكەنەوە و نەهجی كاركردنییان كاریگەریی نەرێنی لەسەر ئاشتی و ئاسایشیی كۆمەڵگە دروست دەكات.

دەقی نووسراوەکەی ئاسایشی نیشتمانیی عێراق بە زمانی عەرەبی