لە سنووری پارێزگای کەرکووک سێ چەکداری داعش دەکوژرێن

ئاڤا نیوز

دژەتیرۆری عێراق بە هاوبەشی هێزە ئەمنیەکانی ئاسایشی کوردستان دوای ڕووبەڕووبوونەوە، چەند چەکدارێکی داعش لە بەرزاییەکانی پەلکانە دەکوژن.

چیرۆکی سەرەکی: لە ئۆپەراسیۆنێکی تایبەتی هێزەکانی دژەتیرۆری عێراقی، بە پشتبەستن بە زانیارییە هەواڵگرییەکان، بە هاوکاری بەرێوەبەرایەتیی ئۆپەراسیۆنەکانی ئاسایشی هەرێمی کوردستان، سێ چەکداری داعش کوژران و دوو لە چەکدارەکان بەرپرسی سەربازی بوونە لە سنووری پارێزگای کەرکووک.

ڕاگەیێنراوی فەرمی: دەزگای دژەتیرۆری عێراقی، ڕایگەیاند، لە ڕووبەڕووبوونەوەیەکی هاوبەشی نێوان هێزە ئەمنییەکانی سلێمانی و دژەتیرۆری عێراقی لەگەڵ چەند چەکدارێکی رێکخراوی داعش لە سنووری پارێزگای کەرکووک سێ چەکداری داعش کوژران.

لێدوانی فەرمی: سەرچاوەیەک لە هێزە عێراقیەکان لە خورماتوو، بە ئاڤا میدیای ڕاگەیاند، ئۆپراسیۆنەکە لە بەرزایەکانی پەلکانە لە نێوان خورماتوو و کفری بووە، سێ چەکداری داعش کوژراون، یەکێک لە کوژراوەکان بەرپرسی سەربازی کەرتی ئەبو موسا ئەشعەریە لە ویلایەتی کەرکوکی چەکدارانی داعش و ئەوەی دیکەش بەرپرسی کەرتی سلێمان بەگە.