بەرپرسێکی ئەمریکی: واشنتن دوو کاتژمێر پێش ئەنجامدانی هێرشەکەی سەر فۆردۆ تارانی ئاگادار کردبووەوە

ئاڤا نیوز

ڕاوێژکارێکی پێشووی پێنتاگۆن ئاشکرای دەکات، واشنتن دوو کاتژمێر پێش ئەنجامدانی هێرشەکان بۆ سەر دامەزراوە ئەتۆمییەکانی ئێران، ئەو وڵاتەی ئاگادار کردووەتەوە.

چیڕۆکی سەرەکی: ڕۆژی 2025-06-22، ئەمریکا بە فڕۆکەی B2 هەریەکە لە بنکە ئەتۆمییەکانی ئێران 'فۆڕدۆ و ئەسفەهان و نەتەنز'ـی  بۆردوومان کرد ئەمەش وەک هەوڵێک بۆ لە ناوبردنی توانا ئەتۆمییەکانی ئێران و ڕێگریکردن لە بەردەوامبوونی ئەو وڵاتە بۆ دروستکردنی بۆمبی ئەتۆمی.

لێدوانی فەرمی: دۆگلاس ماکگریگۆر، ڕاوێژکاری پێشووی پێنتاگۆن ڕایگەیاند: ئەمریکا پێش ئەنجامدانی هێرشەکانی بۆ سەر بنکە ئەتۆمییەکانی ئێران، دوو کاتژمێر پێشتر ئەو وڵاتەی ئاگادار کردووەتەوە.

لە بەرامبەردا تاران ئێوارەی 2025-06-23، بنکەی سەربازی عودەیدی ئەمریکای لە قەتەر بۆردوومان کرد، وەک وەڵامێک بۆ هێرشەکان بۆ سەر بنکە ئەتۆمییەکانی.