تۆم باراک: پێویستە هەسەدە تێکەڵ بە سووپای سووریا بکرێت

ئاڤا نیوز

نێردەی ئەمریکا بۆ سووریا دەڵێت، پێویستە هێزەکانی سووریای دیموکرات، لە ڕووی سیاسی و سەربازییەوە بچنە نێو حکومەتی نوێی سووریا، بەڵام ئەم پڕۆسەیە تا دەچێتە بواری جێبەجێکردنەوە کاتی دەوێت.

وێنە گەورەکە: یەکێک لە خاڵەکانی ڕێککەوتنی نێوان هێزەکانی سووریای دیموکرات (هەسەدە) لەگەڵ حکومەتی نوێی سووریا، تێکەڵکردنی هێزە چەكدارەكانە، بەڵام ئەم پرسە هێشتا جێبەجێ نەكراوە.

لێدوانی فەرمی: تۆم باراک، نێردەی ئەمریکا بۆ سووریا لە چاوپێکەوتنێک لەگەڵ ئاژانسی ئەنادۆڵی تورکی، باسی لە گرنگی ڕۆڵی هەسەدە کرد لە کاتی شەڕی داعش و هاوبەشییان لەگەڵ ئەمریکا دژ بەو گرووپە تیرۆریستییە.

زانیاریی زیاتر: سەبارەت بە یەکگرتنەوەی هەسەدە لەگەڵ وەزارەتی بەرگریی سووریا، باراک گوتی: پێویستە هێزەکانی سووریای دیموکرات لە ڕووی سیاسی و سەربازییەوە بچنە نێو حکومەتی نوێی سووریا، هەروەک چۆن دروز و عەلەوییەکان بەدوای نوینەرێکدا دەگەڕێن بۆ خۆیان، بەڵام ئەم پڕۆسەیە تا  جێبەجێ دەكرێت، كاتی پێویستە.