سەرۆکایەتیی کۆمار مەرسوم بۆ دەستبەکاربوونی سەرۆکی نوێی دادگای فیدراڵی دەردەکات

ئاڤا نیوز

دوای ڕۆژێک لە کاندیدکردنی بۆ پۆستی سەرۆکی نوێی دادگای فیدراڵی لەلایەن ئەنجوومەنی باڵای دادوەرییەوە، ئەمڕۆ سەرۆکایەتی کۆماری عێراق مەرسوومی کۆماری بۆ دەستبەکاربوونی سەرۆکی نوێی دادگای فیدراڵی دەرکرد.

وێنە گەورەکە: دوێنێ ئەنجوومەنی باڵای دادوەریی عێراق جاسم عەبوود، سەرۆکی دادگای فیدراڵی بەهۆکاریی نەخۆشکەوتنەوە ڕەوانەی خانەنشینیی کرد، هاوکات مونزیر ئیبراهیم حوسێن، ئەندامی یەدەگی دادگای فیدراڵیی و جێگری سەرۆکی دادگای تێهەڵچوونەوەی فیدراڵییشی بۆ پۆستی سەرۆکی نوێی دادگای فیدراڵی کاندید کرد، ناوەکەشی بۆ سەرۆکایەتیی کۆمار بەرزکردەوە.

ڕاگەیێنراوی فەرمی: ئاژانسی فەرمی هەواڵی عێراق (واع) لە سەرچاوەیەکی سەرۆکایەتیی کۆمارەوە بڵاویکردەوە، سەرۆکایەتیی کۆمار مەرسومی کۆماری بۆ دەستبەکاربوونی دادوەر مونزیر ئیبراهیم حوسێن وەک سەرۆکی نوێی دادگای فیدراڵی دەرکرد.

لێدوانی فەرمی: دوێنێش هاوڕێ تۆفیق، بەڕێوەبەری فەرمانگەی پەیوەندییەکان و ڕێکخراوە نێودەوڵەتییەکان لە سەرۆکایەتیی کۆمار، بە ئاڤا میدیای ڕاگەیاند، "دانیشتنەکانی دادگای باڵای فیدراڵی هەفتەی ئایندە دەستپێدەکەنەوە"، ئاماژەی بەوەش کرد "پێش دەستلەکارکێشانەوەی ئەندامانی دادگا بڕیار بوو دۆسیەی مووچەی فەرمانبەرانی هەرێمی کوردستان تاوتوێ و فەرمانێکی وەلائی بۆ دەربكرێت، بۆیە یەکەم دانیشتنی دادگاكە لەسەر ئەم پرسە دەبێت".